Gure bizitzei buruz erabaki dezagun, ekonomia jendearen zerbitzura jar dezagun
Etxebizitzaren eta elektrikoen inguruan erabakitzeko
ERREFERENDUM BATEN ALDE
Energia
Etxebizitza
Kontrol publikoa
Erreferenduma
Erabaki Dezagun Manifestua
GURE BIZITZEI BURUZ ERABAKI DEZAGUN, EKONOMIA JENDEAREN ZERBITZURA JAR DEZAGUN.
DEMOKRAZIAK, GUTXIENGO PRIBILEGIOEN AURREAN, AURRERA EGIN DEZAN
Azken aldian, klase herrikoien aurkako gizarte-krisi bat bizi dugu. Bizitzaren garestitzea, argiaren prezioaren igoera kezkagarriak, etxebizitzaren prezioaren hazkunde jasanezina, lan-prekarietatea. Horren aurrean, Administrazio Kontseiluetan eta putre funtsetan antolatutako gutxiengo arriskutsu bat modu eskandalagarrian aberasten ari da, gehiengoaren eskubide galeraren kontura.
Gobernu aurrerakoia premiazkoak diren baliabide batzuk arautzeko promesarekin iritsi zen: higiezinen merkatua ordenatu etxebizitza duin baterako sarbidea bermatuz eta trantsizio ekologiko eta energetiko justu bat sustatu, besteak beste. Hala ere, etxebizitzaren eta merkatu elektrikoaren sektorean planteatu dituen erreformak ez dira nahikoak eta, etxebizitzaren kasuan, alde batera jarraitzen dute.
Gure ustez, erabakitasunez aurrera egiteko garaia da, egunerokotasunean hainbeste eragiten diguten gai horiei benetako eta egiturazko buelta emateko. Gobernuek eta txandako politikariek gure arazoak konpondu arte itxaron gabe. Ezin dugu euren eskuetan utzi, ezta gehiago itxaron ere. Ekonomia jendearen zerbitzura jartzeko garaia da: ezin dugu luzaroago onartu gutxi batzuen aberastasuna gehiengoaren pobrezia izatea.
Demokrazia eskubideak lortu, gureganatu eta aurrera egiteko baliagarria da. Oligarkiei botere ekonomiko eta politikoa kentzeko. Bizitza eta ekonomia eraiki eta sostengatzen dutenei benetako boterea itzultzeko.
Horregatik uste dugu garaia heldu dela dagokionari ahotsa itzultzeko. Horregatik uste dugu Gobernuak erreferendum bat deitu behar duela non herritarrek, gure eguneroko bizitzan zuzenean eragiten diguten gaiei buruz, erabaki demokratiko bat eman dezaten: etxebizitzaren merkatua eta merkatu elektrikoa.
Zergatik dio beldur gehiago gobernuak Herritar Kontsulta bati, konpainia elektriko handien eta gure auzoak suntsitzen dituzten funts putreen xantai etengabeei baino?
1978ko Konstituzioaren eta 2/1980 Erreferendumaren Lege Organikoaren arabera, Gobernuak erreferenduma deitzeko ahalmena du. Konstituzioak 92. artikuluan ezartzen du Gobernuko presidenteari dagokiola, Kongresuak baimenduta, garrantzi bereziko erabakiei buruzko kontsulta-erreferendum bat deitzeko ekimena.
Zer dago orain garrantzitsuago merkatu elektrikoa eta etxebizitzaren merkatua arautzea baino? Zergatik ez galdetu erreferendum publiko baten, funts putreen esku dauden etxebizitzak publiko bihurtzeko herritarren babesa edo gaitzespena duten? Zergatik ez da erreferendum publikoan galdetzen elektrikek jabetza sozial izatera pasa behar duten, Konstituzioak ere baimentzen duen bezala?
Badakigu lege-ordenamenduak kontsulta horiek lotesleak izatea eragozten duela. Baina, zein gobernu aurrerakoi izango litzateke gai herri-agindu irmo bat ez hartzeko?
Ekonomia eta eskubide sozialak etengabeko gatazkan dauden esparruak dira. Giza-premien eta gutxiengo arriskutsu baten pribilegioen arteko eztabaida. Demokraziak aurrera egitea praktikaren bidez egitea da. Ekonomia eta demokrazia jendearen zerbitzura jarriz.
Hori guztia dela eta, PSOEren eta UPren koalizio-gobernuari eskatzen diogu aurrea hartu eta erreferendum bat egin dezaten, benetako eztabaida bat ahalbidetzeko, aukera eta berdintasun baldintza onenetan, gaur egun mozkin kontuak handitzen ari zaizkienen eta gure bizi-baldintza materialak gero eta zailagoak direla ikusten dutenen artean.